CENTRAL EXECUTIVE

​ശ്രീ പി.വി. പ്രശാന്ത് കുമാർ, ശ്രീ മഹേഷ് പെരുവള്ളൂർ, ശ്രീ എം.വി. തമ്പാൻ കരിവെള്ളൂർ (റിട്ട. ജെ.ടി.ഒ., ബി.എസ്.എൻ.എൽ), ശ്രീ മധുസൂദനൻ പിണറായി (റിട്ട. നാവി) എന്നിവർ ചേർന്ന് ഒരു സെൻട്രൽ വർകിംഗ് കമ്മറ്റി രൂപീകരിച്ച്, 'ഹെൽപ് ആൻ്റ് ഹീൽ ചാരിറ്റബിൾ ഫൗണ്ടേഷൻ - കണ്ണൂർ' എന്ന സംഘടന രൂപം നൽകി. ദിവസങ്ങളോളം ചർച്ചകൾ നടത്തിയാണ് വലിയൊരു വാട്സാപ്പ് കൂട്ടായ്മ പടുത്തുയർത്തിയത്.

ആദ്യ ഗൂഗിൾ പേ ചലഞ്ച്

​സംഘടനയിൽ ചേർന്ന് മുൻ നിരയിൽ പ്രവർത്തിക്കാൻ താല്പര്യമുള്ളവരെ ക്ഷണിക്കുകയും 45 പേർ തയ്യാറാകുകയും ചെയ്തു. ശ്രീ എം.വി. തമ്പാൻ കനറാ ബാങ്കിൽ Help & Heal പ്രവർത്തനങ്ങൾക്കായി 2022 ജൂൺ 20ന് ഒരു അക്കൗണ്ട് ആരംഭിക്കുകയും ചെയ്തു. ഇതിലേയ്ക്ക് വാട്സാപ്പ് ഗ്രൂപ്പ് അംഗങ്ങൾ ഞായറാഴ്ചതോറും കുറഞ്ഞത് 10 രൂപ ഗൂഗിൾ പേയിലൂടെ സഹായധനം അയച്ചു കൊണ്ട് ആഴ്ചതോറും ഫണ്ട് സ്വരൂപിക്കാമെന്ന് ധാരണയിലെത്തുകയും ചെയ്തു. ഈ അടിസ്ഥാനത്തിൽ, ആദ്യ ചലഞ്ച് 2022 ജൂൺ 30ന് നടന്നു.

ആദ്യ സാമ്പത്തിക സഹായം

'ജീവിതം പറയുമ്പോൾ' എന്ന പരിപാടിയിൽ പങ്കെടുത്ത് സ്വന്തം നിസ്സഹായത വിവരിച്ച നിർധനരിൽ നിന്ന് കൂടുതൽ വിവരങ്ങൾ ശേഖരിച്ച്, ഗ്രൂപ്പംഗങ്ങൾ ഗൂഗിൾ പേ വഴി അയച്ചുനൽകിയ തുക നേരിട്ട് നൽകുന്നതായിരുന്നു ആദ്യ ഘട്ടം. കാസർകോട് ജില്ലയിലെ കുണ്ടംകുഴി സ്വദേശിയായ ലത എന്ന സഹോദരി തൈറോയ്ഡ് ക്യാൻസർ മൂലം ബുദ്ധിമുട്ടുന്നത് ശ്രദ്ധയിൽ പെട്ടപ്പോൾ, അവർക്ക് 5000 രൂപ 2022 ജൂലൈ 21-ന് നേരിട്ട് പോയി നൽകിയാണ് ആദ്യ ധനസഹായത്തിന് തുടക്കമിട്ടത്

കാര്യക്ഷമമായ പ്രവർത്തനത്തിനായി, ഒരു എക്സിക്യൂട്ടീവ് കമ്മറ്റി രൂപീകരിച്ച്, സേവന സന്നദ്ധരായി വന്നവരെ ചേർത്ത് പ്രവർത്തനം ആരംഭിച്ചു. കൂട്ടായ്മയുടെ പരിധി വർദ്ധിപ്പിച്ച്, ബന്ധുക്കൾ, സുഹൃത്തുകൾ, സഹപാഠികൾ, സഹപ്രവർത്തകർ എന്നിവരെ ID നമ്പർ നൽകി അംഗീകരിച്ച്, 'Help & Heal Member' എന്ന നിലയിൽ അംഗീകരിച്ചു. ഈ അംഗങ്ങൾ, അവരുടെ പരിചയത്തിലുള്ളവർക്ക് സഹായം ആവശ്യമുള്ളതായി കണ്ടാൽ, സംഘടനയോട് അഭ്യർഥിച്ച്, എക്സിക്യൂട്ടീവ് കമ്മറ്റി ചർച്ച ചെയ്ത്, തുക അനുവദിക്കുന്ന രീതിയിൽ പ്രവർത്തിച്ചു.

​കണ്ണൂർ ജില്ലയിൽ ആരംഭിച്ച്, മറ്റ് 13 ജില്ലകളിലേക്ക് വ്യാപിപ്പിക്കുക എന്ന ലക്ഷ്യത്തോടെ, കണ്ണൂരിൽ ഒരു മോഡൽ Help & Heal ഘടന സൃഷ്ടിക്കാനാരംഭിച്ചു. ജില്ലയിലെ എല്ലാ പഞ്ചായത്ത്, മുനിസിപ്പാലിറ്റി, കോർപ്പറേഷൻ പ്രദേശങ്ങളിൽ സംഘടനയുടെ കോ.ഓർഡിനേറ്റർമാരെ നിയമിച്ചു. സഹായ അഭ്യർത്ഥനകൾ ലഭിക്കുമ്പോൾ, ബന്ധപ്പെട്ട കോ.ഓർഡിനേറ്റർമാരുടെ അന്വേഷണ റിപ്പോർട്ടുകൾ പരിഗണിച്ച്, സാമ്പത്തിക സഹായം നൽകുന്നതായി ധാരണയിൽ എത്തി.

സഹായധനത്തിനുള്ള അപേക്ഷകൾ സ്വീകരിക്കാനും തുടർനടപടികൾക്ക് സുതാര്യത ഉറപ്പുവരുത്താനും, ഒരു ഇമെയിൽ വിലാസം സ്ഥാപിച്ചു. അംഗങ്ങൾ ഈ ഇമെയിൽ വിലാസത്തിലൂടെ മാത്രം അഭ്യർത്ഥനകൾ സമർപ്പിക്കുകയും, ലഭ്യമായ അപേക്ഷകൾ ഇമെയിൽ ലഭിച്ച ക്രമത്തിൽ മുൻഗണന നൽകിയാണ് പരിഗണിച്ചിരിക്കുന്നത്.

കൂടുതൽ പേരെ സഹായിക്കുക എന്ന ലക്ഷ്യത്തിനായി കൂടുതൽ ചാരിറ്റി ഫണ്ട് സ്വരൂപിക്കുന്ന ചിന്തകളുദിച്ചു. നമ്മൾ ജീവിതം അടിച്ചു പൊളിക്കുമ്പോൾ, ദുരിതം പേറുന്ന സഹജീവികളോട് കരുതൽ Help & Heal സംഘടനയിലൂടെ എന്ന ആശയം പ്രാവർത്തികമാക്കി.

ജീവിതത്തെ നമ്മൾ ആഘോഷിക്കുന്ന പല മുഹൂർത്തങ്ങളുണ്ട്. ജീവിതത്തിൽ ചില മുഹൂർത്തങ്ങൾ ആചരിക്കാറുമുണ്ട്. അതിനൊക്കെ നമ്മൾ പരിധി വിട്ട് ചെലവാക്കുകയും ചെയ്യുന്നു.

1. ഒത്തുചേരൽ ആഘോഷങ്ങൾ
2. വിനോദ യാത്രകൾ
3. ഹോട്ടൽ ഭക്ഷണം
4. ഷോപ്പിംഗ്
5. വിവാഹം
6. വീട്ടിലെ പലതരം ചടങ്ങുകൾ
7. ഓർമ ദിനാചരണങ്ങൾ
8. പുതിയ ജോലി
9. സ്ഥാനക്കയറ്റം
10. സാമ്പത്തികമായ നേട്ടങ്ങൾ
11. ഗൃഹപ്രവേശം
12. കുടുംബാംഗങ്ങളുടെ പിറന്നാൾ ദിനം
13. പരീക്ഷാ വിജയങ്ങൾ
14. ജീവിതത്തെ "അടിച്ചു പൊളിക്കുന്നതിനായി നമ്മൾ പലപ്പോഴായി വലിയ തുക ചെലവാക്കുന്ന സന്ദർഭങ്ങൾ ....

ഈ ആഘോഷങ്ങളൊന്നും വിധിച്ചിട്ടില്ലാത്ത സഹജീവികളെ ഒരു നിമിഷം ഓർത്ത് മൊത്തം ചെലവിനത്തിൽ വളരെ തുച്ഛമായ ഒരു തുക പതിവ് ചലഞ്ചിലല്ലാതെ, ആ ആഘോഷ വേളയിൽ നമ്മുടെ സ്വന്തം പ്രസ്ഥാനത്തിന് ഇഷ്ടമുള്ള ഒരു തുക ഗൂഗിൾ പേ ചെയ്യുന്നതാണ് *TOC അഥവാ Token of Concern. ഈ വകയിൽ കാര്യമായ സംഭാവന സ്വരൂപിക്കാൻ കഴിഞ്ഞു.

സംഘടന ചാരിറ്റബിൾ സൊസൈറ്റിയായി രജിസ്റ്റർ ചെയ്യാൻ 2023 ജൂണിൽ ജനറൽ ബോഡി യോഗം വിളിച്ചു ചേർത്തു. പത്തംഗ എക്സിക്യൂട്ടീവ് കമ്മറ്റിയെ തെരഞ്ഞെടുത്തു.
നിലവിൽ താഴെ കൊടുത്തവരാണ് എക്സിക്യൂട്ടീവ് കമ്മറ്റി.

പി.വി. പ്രശാന്ത് കുമാർ (കോ.ഓർഡിനേറ്റർ)
എം.ഓ.മധുസൂദനൻ (ചെയർമാൻ)
കെ.സരസ രവീന്ദ്രൻ (കൺവീനർ)
എം.വി.തമ്പാൻ കരിവെള്ളൂർ (ട്രഷറർ)
ടി.പി.പുഷ്പമുരളി (വൈസ് ചെയർമാൻ)
സി.എച്ച് വൃന്ദ ( ജോയൻ്റ് കൺവീനർ)

അംഗങ്ങൾ

എ.ടി. ശാരദ
എം.വി.രജിന
എൻ.പി. വസന്ത
ടി.സന്ധ്യ സാരംഗ്

2023 ജൂൺ 30-ന് ഈ വാട്സാപ്പ് കൂട്ടായ്മ Help and Heal Charitable Foundation - Kannur എന്ന പേരിൽ സൊസൈറ്റി ആക്ട് അനുസരിച്ച് രജിസ്റ്റർ ചെയ്തു. രജിസ്ട്രേഷൻ നമ്പർ KNR/CA/242/2023 ആണ്. റജിസ്ട്രേഷൻ 2023 ജൂൺ 30-ന് പ്രാബല്യത്തിൽ വന്നു.

ഔദ്യോഗികമായി ഫൗണ്ടേഷൻ, കണ്ണൂർ കേരള ഗ്രാമീൺ ബാങ്കിൽ ചെയർമാൻ, കൺവീനർ, ട്രഷററുടെ പേരിൽ 40505111000830 എന്ന ജോയിൻറ് അക്കൗണ്ട് ആരംഭിച്ചു. ഈ അക്കൗണ്ടിന് IFSC കോഡ് KLGB0040505 ആണ്.

ദൂരസ്ഥലങ്ങളിലുള്ള ഭാരവാഹികൾ ഇതുവരെ ഓൺലൈനായി മാത്രം എക്സിക്യൂട്ടീവ് കമ്മറ്റിയായി വാട്സാപ്പിൽ ഒത്തുചേർന്നാണ് തീരുമാനങ്ങളെടുത്തു വന്നത് -
ഓൺലൈൻ ആയും ഓഫ് ലൈന്‍ ആയി കണ്ണൂര്‍ മഹാത്മാ മന്ദിരത്തിലും കൂടിയിരുന്ന Executive യോഗങ്ങള്‍, കണ്ണൂര്‍ പള്ളിക്കുന്നില്‍ ഒരു താത്ക്കാലിക ഓഫീസ് സംവിധാനം നിലവില്‍ വന്നതോടെ അവിടേക്ക് മാറ്റി, തുടർന്ന് പോകുകയാണ്.(Nandanam,Chaithanya Road,Kanathur Temple Road,Pallikunnu,670004)
മാസംതോറും ഓഫ് ലൈൻ എക്സിക്യൂട്ടീവ് കമ്മറ്റി മീറ്റിംഗ് നടത്താനുള്ള അടിസ്ഥാന സൗകര്യങ്ങളൊരുക്കി.

​രജിസ്ട്രേഷൻ ലഭിച്ചതിന് ശേഷം, മെമ്പർമാരും അഭ്യുദയകാംക്ഷികളും ഇമെയിൽ വഴി അയച്ച സഹായ അഭ്യർത്ഥനകൾ പരിഗണിച്ച്, 2025 മാർച്ച് 31-ന് വരെ 105 പേർക്ക് 10,000 രൂപ വീതം സാമ്പത്തിക സഹായം നൽകിക്കഴിഞ്ഞു.

സമൂഹത്തിലെ പൊതുനന്മ ലക്ഷ്യമാക്കി, സാമ്പത്തിക സഹായങ്ങളും സാധനങ്ങളും നൽകാൻ Help & Heal Foundation പ്രവർത്തനങ്ങൾ വ്യാപിപ്പിച്ചു. വിവിധ മെമ്പർമാരുടെ ഇമെയിൽ അഭ്യർത്ഥനകളുടെ അടിസ്ഥാനത്തിൽ, വ്യക്തികൾക്ക് 10,000 രൂപ വരെ സാമ്പത്തിക സഹായം നൽകുന്നതായി പതിവായി തുടരുന്നു. ആദ്യകാലത്ത്, 50 പേർക്ക് 4,90,500 രൂപയുടെ സാമ്പത്തികസഹായം നൽകാൻ കഴിഞ്ഞു.​ കണ്ണൂർ തോട്ടടയിലെ അഭയനികേതനിൽ വാഷിംഗ് മെഷീൻ, കണ്ണൂർ പള്ളിയാമൂലയിലെ ഡിമെൻഷ്യ കെയർ സൊസൈറ്റിക്ക് വീൽ ചെയറും വാഷിംഗ് മെഷീനും, സ്കൂളുകളിൽ പാവപ്പെട്ട കുട്ടികൾക്ക് പഠനോപകരണങ്ങൾ, തലശ്ശേരി ചിൽഡ്രൻസ് ഹോമിലെ കുട്ടികൾക്ക് വസ്ത്രങ്ങൾ, വയനാട്ടിലെ വെള്ളാർമല ഹയർ സെക്കൻഡറി സ്കൂളിന് കുട്ടികളുടെ ബസ് യാത്രയ്ക്കും ലൈബ്രറി പുസ്തകങ്ങൾക്കുമായി സാമ്പത്തിക സഹായം നൽകുകയും ചെയ്തു. വീട് ഒറ്റപ്പെട്ടിരിക്കുന്നവർക്കായി "റേഡിയോ പാർട്ണർ" പദ്ധതി രൂപീകരിച്ച്, സൗജന്യ റേഡിയോ സെറ്റ് വിതരണം ചെയ്യുകയും ചെയ്തു.